رواية نجمه سرقة قلبي الفصل السابع 7 بقلم نور محمد
#البارت_السابع
احمد بصدمه:انت بتعمل ايه هنا يارشيد حميتها مني ليه الخا*طيه دي
رشيد بألم وخوف من رده فعل ابوه:علشان رشا تبقى مراتي يابوي
احمد بصدمه وزهول:انت بتقول ايه مرتك..مرتك كيف يارشيد
رشيد بخوف: ايوه مرتي كتبت كتابي عليها يابوي علشان بحبها
احمد مسكه من رقبته بغضب وقال: انت بتقول ايه ازاي تعمل كده وتتجوز دي وبدون علمي كمان يارشيد ايه ملكش كبير هنا تسمع كلامه
رشيد بقى ياخد نفسه بصعوبه من قبضه ابوه وهو ثابت قدامه ورشا جرت بخوف على رشيد وبقت تشد في ايد احمد بقوه وهي بتصرخ فيه
رشا بصراخ وغضب: سيبه ياعمو سيبه هيموت في ايدك ده ده جوزي حرام عليك سيبه
احمد انصدم من كلامها ودفاعها عن رشيد باطريقه دي فدفع رشيد بغضب وبص عليها بحده وقال: وكمان ليكي عين تدافعي عنه قدامي يافاجره دنا كنت بخاف عليكي منه علشان الوعد اللي قطعته لابوكي قبل موته وانتي بعد اللي عمله فيكي بتدافعي عنه كمان
رشا اترعبت منه ورشيد اخد نفسه بصعوبه وجرى على رشا بخوف عليها وقال: يابوي انا اللي غلطان ونجـ"س كمان بس سيبها هي زنبها ايه انا اللي ضحكت عليا
احمد عنيه بقت حمره من الغضب ونادي بصوت عالي: ياحمدان انت يازفت تعال هنا
دخل حمدان بتوتر وقال: نعم ياحضرت العمده امر
احمد اشار على رشيد بغضب وقال: خد رشيد من قدامي على الزربيه اللي تحت واربطه كويس هناك جنب البهايم اللي شبهه لغايه ماافضاله انا بعدين
رشيد سمعه بصدمه وزهول وحمدان قرب من رشيد بخوف وقال: قدامي يارشيد بيه دي اوامر العمده وانا مقدرش اقوله لا
رشيد كان في حاله صدمه كبير من كلام ابوه بس هز رأسه بطاعه وخرج مع حمدان بدون كلام
ورشا بصت عليه بخوف وصرخت بقوه: لااا رشيد استني خدي معاك ارجوك مش عاوزه افضل هنا لوحدي
رشيد بص عليها بدموع وقال: هرجعلك تاني يارشا متخافيش عليا الصبح هكون عندك ياحبيبتي
رشا قعدت على الارض وهي بتعيط بقوه واحمد بص عليها ببرود ونادي: هنيه انتي يازفته يابت
اجت هنيه بخوف: نعم ياحضرت العمده
احمد بجمود: خدي رشا على اوضتها واقعدي معاها حميها واكليها كويس وخليكي جنبها واوعي تسبيها ابدا مفهوم
هنيه بخوف: حاضر ياحضرت العمده
وفعلا هنيه اخدت رشا اللي كانت بتعيط وهي بتصرخ بأسم رشيد تحت نظرات الشفقه من احمد
******************
وفي صباح اليوم التالي
نجمه فتحت عنيها لقت نفسها في حضن رعد فبتسمت بفرحه وبقت تتأمل في ملامحه الرجوليه الجذابه اللي سرقت قلبها من اول يوم
فضلت تتأمل فيه وقت وفجأه لقت الحمام قدامها اتفتح وخرجت اميره منه وهي لابسه برنص متجسم عليها
اميره بأحراج:احم انا اسفه بس نسيت اخد هدومي من الدولاب هنا
نجمه بغيظ:لا عادي ياحبيبتي خدي راحتك دي اوضتك انتي وجوزك وانا اللي ضيفه هنا وهمشي فورا علشان تاخدوا راحتكم مع بعض
خلصت جملتها ودفعت رعد بغيظ وغيره بعيد عنها وهي بتقول:رعد فوق وابعد عني عروسك هنا عاوزاك ياعريس
رعد فتح عنيه وبص عليها بخبث لانه كان صاحي من زمان بس عمل نفسه نايم علشان يشوف رد فعلها هيكون ايه؟
رعد بخبث:صباح العسل على العسل
نجمه بكسوف:صباح النور
رعد تجاهل جملتها وبص على اميره وكمل:عامل ايه ياعسلي ليلتك امبارح كانت كلها عسل
اميره فهمت قصده فبتسمت بكسوف وقالت بدلع:الحمد لله كويسه يارعد
رعد ابتسم لها تحت نظرات نجمه اللي كانت هتموت من الغيره والغيظ منهم
نجمه بغيظ:تمام انا هقول احضر الفطار علشان جعانه اوي
رعد ببسمه مستفزه :ماشي يانجمه بس اوعي تنسى فطار اميره حبيبتي ابقى اعملي لها فراخ ولحمه علشان عروسه جديده بقى ومحتاجه تتغذى كويس
نجمه بصت عليه بحده وغيره وقالت:حاضر تحت امرك يارعد بيه
نهت جملتها وخرجت بسرعه وغضب ورعد انفجر في الضحك عليها وهو بيقول:والله بقت تصعب عليا شوفتي شكلها بقى اذاي من الغيره والغيظ يااميره
اميره ببسمه:ايوه شوفت يارعد بيه بس هي صعبانه عليا شكلها بتحبك اوي دي عنيها كانت بتنطق انها هتموت من الغيره عليك انا بقول كفايه كده عليها حرام
رعد ببسمه حب:عارف يااميره انا عملت ده كله بس علشان اتأكد من حبها ليا وخلاص انا كمان بقول كفايه عليها كده انا هقولها الحقيقه وبكره هرجعك لبيت اهلك تاني وهنفذ وعدي ليكي
اميره بفرحه: بجد شكرا يارعد بيه
وبعد وقت نزل رعد تحت علشان الفطار وبص لقى ابوه على السفره فقرب قبل ايده بحب وقال:صباح الخير والسعادة يابوي
احمد بحب:صباح النور والسرور ياولدي اقعد افطر معايا
رعد قعد جنبه على السفره وقال بتعجب:امال فين رشيد يابوي لسه مصحيش لغايه دلوك
رد احمد ببرود:رشيد في الزربيه تحت مربوط من امبارح باليل
رعد بصدمه:انت بتقول ايه يابوي ومين اللي عمل فيه كده؟
احمد بجمود:انا ياولدي
رعد بصدمه وزهول:انت يابوي وليه عملت فيه كده هو رشيد غلط في ايه؟
احمد بحده:غلط لما عصى كلامي وراح اجوز رشا بدون علمي وعلمك كمان يارعد فكان لازم اعمل فيه كده علشان يتعلم ازاي يحترم كلام ابوه
رعد سمعه وقال ببرود: بس يابوي رشيد بيحب رشا وانا اللي جوزته لها وكمان عمها متولي كان وكيلها وشاهد معايا على جوازهم يابوي
احمد بصدمه وزهول:اييه انت بتقول ايه انت كمان كنت معاه في المصيبه دي ومقرطسين ابوكم ياولاد الهواري
رعد انتفض برعب من انفعال ابوه وقبل مايرد عليه نادي احمد بصوت عالي وغضب اعمى:حمدان تعال يازفت خد رعد اربطه جنب اخوه في الزربيه جنب البهايم اللي زيهم ووووووو
#يتبع....بقلم نور محمد
#نجمه_سرقت_قلبي
يارعد يامسكين خير تعمل شرا تلقى 🤣🤣🤣
الاخوات هيشرفوا بعض جنب البهايم لغايه ما ربنا يسهلها بقى او قلب احمد يحن عليهم 😅
